ភាពខុសគ្នានៃ ASP.NET Website និង Web Application (Web Form និង MVC)

ASP.NET Website និង Web Application គឺសុទ្ធតែ​ប្រើ​សម្រាប់​បង្កើត​គេហទំព័រ ។
Web Application មាន​ក្នុង Visual Studio .NET តាំងពី​ជំនាន់​ដំបូងមកម្លេះ (សូមមើលខាង “​ជំនាន់​របស់ ASP.NET”) ប៉ុន្តែ​មកដល់​ជំនាន់ 2005 ក៏​លែងមានវិញ ដោយមានតែ Website Project ។ មកដល់ពាក់កណ្តាល ២០០៦ ទើប ASP.NET Team បង្កើត VS 2005 Web Application Projects add-in ដើម្បី​មាន Web Application Project ក្នុង Visual Studio 2005 ។ ចាប់ពី​ជំនាន់ 2008 Visual Studio មានទាំង Website និង Web Application Project ។

អ្វី​ដែល​ ខុសគ្នាចម្បងនៃ Website និង Web Application នោះគឺ Web Application យកកូដ behind (C# ឬ VB.NET) នៃគ្រប់ page ទាំងអស់​ក្នុង Project ទៅ build ជា *.dll ទុក​ក្នុង folder bin ហើយពេល​ដែល​មានការ request page aspx វានឹង execute កូដចេញពី dll ដែល​នៅ​ក្នុង folder bin ។ ចំណែក Website វិញមិន build code-behind ទៅជា dll នោះទេ គឺពេល​ដែល​មានការ request page aspx វានឹង execute ពី code-behind ផ្ទាល់​តែម្តង ដែល​តម្រូវ​ឲ្យ​យើង upload code-behind ទៅជាមួយដែរ នៅពេល​ដែល​យើង upload គេហទំព័រ ។ ប្រសិនបើ​អ្នកចង់​ការពារ​កូដ​របស់អ្នក អ្នកប្រាកដជាមិនចង់ធ្វើរឿងនេះនោះទេ ។
​សម្រាប់​ទម្រង់​នៃ Website Project និង Web Application Project មាន​លក្ខណៈ​ខុសគ្នាខ្លះ (សូមមើលរូប​ខាងក្រោម​
នៅ ​ក្នុង Visual Studio 2010 នេះ ASP.NET Web Application ត្រូវបាន​ចែកចេញជា២គឺ ASP.NET Web Form និង ASP.NET MVC (Model View Controller) ដែល​ទម្រង់​នៃការ​បង្កើត​ទាំងពីរនេះមាន​លក្ខណៈ​ខុសគ្នា ។ ប្រសិនបើ​អ្នកទើបនឹងចាប់ផ្តើមដំបូង ASP.NET Web Form គឺជា​ជម្រើស​ដ៏ល្អ ព្រោះ ASP.NET MVC តម្រូវ​ឲ្យ​អ្នកយល់ពី​ទម្រង់ និង​ដំណើរ​ការរបស់ MVC ជាមុនសិន ។
អត្ថបទនេះដកស្រង់ចេញពីទស្សនាវដ្ដី អាន "ANT" ច្បាប់ទី ២១ចេញផ្សាយខែ ធ្នូ ឆ្នាំ ២០១0