6:18 PM
seyha hun
ការវិវឌ្ឍន៍ថ្មីនៃ Mac OS បានបង្ហាញឲ្យឃើញថា Apple បានផ្ដោតទៅលើគំនិតរចនា interface (GUI) សម្រាប់ប្រព័ន្ធប្រតិបត្តិការណ៍មួយនេះ ដោយបោះជំហ៊ានចេញពីការប្រើប្រាស់ Command Line ដូចជា DOS របស់ Microsoft ។
ខាងក្រោមនេះលោកអ្នកនឹងបានដឹងពីដំណាក់កាលនៃការវិវឌ្ឍន៍របស់ Mac OS ក្នុងរយៈកាល១០ឆ្នាំមកនេះ ។
១.Mac OS X 10.0 (Cheetah)
ក្នុងថ្ងៃទី៥ ខែមករា ឆ្នាំ២០០០ នាឱកាសតាំងពិព័រណ៍ MacWorld ក្នុងទីក្រុង San Francisco បានបង្ហាញថា Mac OS X 10.0 នឹងចេញដាក់ឲ្យប្រើប្រាស់ក្នុងពេលខាងមុខ ក៏ ប៉ុន្តែ ជំនាន់នេះត្រូវបានចេញពិតប្រាកដជាសាកលគឺក្នុងថ្ងៃទី២៤ ខែមីនា ឆ្នាំ២០០១ ដោយដំណើរការជាមួយ Mac G3 និង G4 Processors ហើយត្រូវការ RAM តែ 128MB ប៉ុណ្ណោះ ។
២. Mac OS X 10.1 (Puma)
ចេញ ថ្ងៃទី២៥ ខែកញ្ញាគឺចេញក្រោយរយៈពេលតែ ៦ខែប៉ុណ្ណោះបន្ទាប់ពី Mac OS 10.0 បន្ទាប់ពីកែកំហុសជាច្រើននិងបានបន្ថែមនូវអត្ថប្រយោជន៍ថ្មីផ្សេងទៀត ដូចជា Burn DVD-R ពី Finder , ផ្តល់នូវ icon ទៅលើ System status ដូចជា Wireless, battery, ងាយស្រួលបិទបើក files ជាមួយនឹងកម្មវិធីទៅតាមប្រភេទ files នីមួយៗ ព្រមទាំងលក្ខណៈពិសេសជាច្រើនទៀត ។
៣. Mac OS X 10.2 (Jaguar)
ចេញ ថ្ងៃទី២៤ ខែសីហា ឆ្នាំ២០០២ ។ អាចប្រើប្រាស់ជាមួយកុំព្យូទ័រ PowerMac G3,G4,G5,iMac,eMac, PowerBook G3, G4 តម្រូវការ 128MB RAM ។ អាចដំណើរការជាមួយ graphics card ប្រភេទ Quartz Extreme និងអត្ថប្រយោជន៍ជាច្រើនទៀត៤. Mac OS X 10.3 (Panther)
ចេញ ថ្ងៃទី២៤ ខែតុលា ឆ្នាំ២០០៣ ។ ជាជំនាន់ដែល Apple ចាប់ផ្តើមប្រើប្រាស់បន្តុំនៃ software របស់ខ្លួនដូចជា Safari ដែលជំនួសឲ្យ IE ក្រោយពីបញ្ចប់កិច្ចព្រមព្រៀងជាមួយនឹង Microsoft, iLife, Keynote, Final Cut Express, X11 ។ Panther ក៏ចាប់ផ្តើមប្រើប្រាស់ផងដែរនូវ FontBook, iChat AV ដែលអាចជជែកកំសាន្ត និងធ្វើ Video conference និង FileVault សម្រាប់ encrypt home folder តាមរយៈបច្ចេកវិទ្យា 128-bit Encryption ។
៥. Mac OS X 10.4 (Tiger)
ចេញថ្ងៃទី២៦ ខែមេសា ឆ្នាំ២០០៥ ។ បានបន្ថែមនូវ feature ថ្មីដូចជា ៖- Automater
- Grapher ដែលអាចប្រើ ដើម្បីបង្កើត 2D និង 3D graphs ។
- Dictionary ដែលទាញទិន្នន័យពី New Oxford American Dictionary និង WikiPedia
- Quart Composer សម្រាប់ render ទិន្នន័យ graphic
- Dashboard គឺជា Widget application ដែលរួមមាន
៦. Mac OS X 10.5 (Leopard)
ចេញ ថ្ងៃទី២៦ ខែតុលា ឆ្នាំ២០០៧ ។ មានការបន្ថែមនិងផ្លាស់ប្តូរនូវ features ចំនួនជាង 300 ពីជំនាន់ Tiger ដូចជា Dock, Stacks, Menu bar, Finder, Spotlight, Time Machine, Front Row, Photo Booth, Boot Camp ដែលជា tool ផ្តល់លទ្ធភាពក្នុងការ installOS ផ្សេងទៀតដូចជា Windows XP ជាដើមទៅកាន់ Mac, Quick Look អាច View document ឬ media ផ្សេងៗដោយពុំចាំបាច់បើកកម្មវិធី ។ Podcast Capture, Parental
៧. Mac OS X 10.6 (Snow Leopard)
ចេញ ថ្ងៃទី២៨ ខែសីហា ឆ្នាំ២០០៩ ។ ជាជំនាន់ដែលផ្តោតយ៉ាងសំខាន់ទៅលើភាពរហ័សនៃដំណើរការរបស់វា ។ បានផ្តល់នូវលទ្ធភាពប្រើប្រាស់ application ប្រភេទ 64-bit ដូចជា Mail, iCal, iChat ព្រមទាំង Finder ដែលបានសរសេរឡើងវិញដោយភាសារបស់ Apple គឺ Cocoa API លើសពីនេះវាបានផ្តល់នូវលទ្ធភាព Programmer អាចសរសេរកម្មវិធីដែលប្រើប្រាស់ OpenCL ។
៨. Mac OS X 10.7 (Lion)
សង្ឃឹមថានឹងចេញក្នុងរដូវក្តៅឆ្នាំនេះ ។ ហើយត្រូវបានប្រកាសឲ្យដឹងថានឹងមានកែរប្រែនិងបន្ថែមថ្មីជាច្រើនដូចជា៖- Address Book ផ្លាស់ប្តូរ interface
- ASLR (Address Space Layout Randomization) ដែលពិបាកក្នុងការលួចនូវទិន្នន័យសំខាន់ៗ
- Launchpad ដែលមានទម្រង់បង្ហាញ application ជាលក្ខណៈ icons ដូចគ្នានឹង iOS ផងដែរ
- Multi-touch
អត្ថបទនេះដកស្រង់ចេញពីទស្សនាវដ្ដី អាន "ANT" ច្បាប់ទី ២៦ ចេញផ្សាយខែ ឧសភា ឆ្នាំ ២០១១ ។
0 comments:
Post a Comment