ការ​ប្រើ​ប្រាស់ String នៅ​ក្នុង VB.Net និង C#

កាលពីលេខមុនទស្សនាវដ្តីបានលើកយកពីការ ​ប្រើ Generic នៅ​ក្នុង​ភាសា VB.Net និង C# នៅ​ក្នុង​លេខនេះយើងនឹងលើក យកពីការ​ប្រើ​ប្រាស់ String នៅ​ក្នុង​ភាសា VB.Net និង C# មក​ធ្វើការ​បកស្រាយ ។

អ្វីជា String?

String គឹជាបណ្តុំនៃ Character ឬ ក៏​និមត្តសញ្ញាត្តិ ឬ Binary ។
ឧទាហរណ៍ ៖ ពាក្យ Hello វាមកពី Character H បន្តជាមួយ e, l, l, o ហើយ​បង្កើត​បានជា String គឺ “Hello” ។

ការ​ប្រើ​ប្រាស់ String ក្នុង​ការសរសេរកូដ

អ្នកសរសេរកូដ ​ទាំងអស់​សុទ្ធតែ​ស្គាល់ String គឺជាអ្វី ហើយធ្លាប់​ប្រើ​វា ដើម្បី​រក្សាទុកអក្សរ សម្រាប់​ប្រើ​ប្រាស់ និង បង្ហាញ​ក្នុង​ការ​បង្កើត​កម្មវិធី គេហទំព័រ ឬ ប្រព័ន្ធ​ផ្សេងៗ ។ លោកអ្នក​មួយចំនួនគិតថាការ​ប្រើ​ប្រាស់ String គឺ​គ្មាន​អ្វី​ច្រើន​នោះទេ គឺមានតែរក្សាទុក ត និង ប្រៀបធៀបតែប៉ុណ្ណោះ ។
កូដ C#
កូដ VB.NET
កូដខាងលើនេះ ​គ្រាន់តែ​ជា​ផ្នែក​ដ៏តូចមួយនៃការ​ប្រើ​ប្រាស់ String តែប៉ុណ្ណោះ តាមពិតទៅ String មាន​នូវ property និង methods ជា​ច្រើន​សម្រាប់​ប្រើ​ជាមួយវា​ឱ្យ​កាន់តែមានប្រ​សិទ្ធិ​ភាព ។ ខាងក្រោម​នេះជាការ​ប្រើ​ប្រាស់ String

រាប់ចំនួនតួអក្សរ​ដែល​មាន​ក្នុង String

យើងអាច​ប្រើ Property Length ដែល​បោះ​តម្លៃ​ប្រភេទ​ជាលេខ (Integer)
កូដ C#
label1.Text = message.Length.ToString () ;កូដ VB.NET
label1.Text = message.Length​បញ្ជាក់​៖ label1 គឺជា control Label ដែល​ប្រើ​សម្រាប់​បង្ហាញ​អក្សរ ។ លោកអ្នក​គ្រាន់តែ​អូស Label មួយមកដាក់​ក្នុង Form នោះនឹងបាន Label control មួយ​ឈ្មោះ label1 ។

ចាប់តួអក្សរពី String តាម Index

String គឺដូចនឹង array នៃ char ដែរ ដោយយើងអាចចាប់យកតួអក្សរណា​ក៏​បាន (មួយតួ) តាម index ។
កូដ C#
label1.Text = message [0] ;កូដ VB.NET
label1.Text = message (0) នោះយើងនឹងបានអក្សរ H បង្ហាញ​លើ label1
ប្ដូរអក្សរ​ក្នុង String ទាំងអស់​ជាអក្សរតូច ឬ ធំ
យើងអាចប្ដូរអក្សរអង់គ្លេស​ទាំងអស់​ទៅជាអក្សរតូច ឬ អក្សរធំបានដោយ​ប្រើ methods ToLower () ឬ ToUpper () ។
កូដ C#
label1.Text = message.ToLower () ;label1.Text = message.ToUpper () ;កូដ VB.NET
label1.Text = message.ToLower () label1.Text = message.ToUpper () យើងនឹងបាន​លទ្ធផល hello from ant magazine. នៅពេល​ប្រើ method ToLower () ឬ HELLO FROM ANT MAGAZINE. នៅពេល​ប្រើ method ToUpper () ។
​ប្រសិនបើ​ចង់ប្ដូរតែអក្សរខាងមុខ​ឱ្យ​ទៅជាអក្សរធំ យើងអាច​ប្រើ method SubString () ជំនួយ ។

កាត់យក​ផ្នែក​ណាមួយនៃ String

ដើម្បី​កាត់យក​ផ្នែក​ណាមួយនៃ String យើងអាច​ប្រើ method SubString
SubString (ទីតាំងចាប់ផ្តើមកាត់, ចំនួនអក្សរកាត់យក)
ឧទាហរណ៍៖ message.SubString (1, 10) កាត់យកពី index ទី ១ ហើយយក ១០ តួរអក្សរ ។
ឥឡូវយើងនឹងប្ដូរអក្សរដើម​ឱ្យ​ទៅជាអក្សរធំ
កូដ C#
label1.Text = message [0] .ToString () .ToUpper () + message.Substring (1, message.Length - 1) ;កូដ VB.NET
label1.Text = message (0) .ToString () .ToUpper () & message.Substring (1, message.Length - 1) ;label1.Text = message.ToUpper () message [0] .ToString () .ToUpper () យើងត្រូវសរសេរ ToString មុន ToUpper ដោយហេតុថា message [0] បោះ​តម្លៃ​ប្រភេទ​ជា char ដែល​យើងត្រូវប្ដូរវាទៅ String សិនមុននឹងអាច​ប្រើ method របស់ String បាន ។
ដូច្នេះ message (0) .ToString () .ToUpper () ជាអក្សរមួយតួខាងមុខហើយប្ដូរទៅជាអក្សរធំ ។
យើងត្រូវការអក្សរចាប់ពីតួទី ២ (index ទី ១) រហូត​ដល់​ចុងក្រោយ​បំផុត ដូច្នេះយើងត្រូវ SubString ចាប់ពី index ទី ១ ហើយយកចំនួនតួអក្សរ​ទាំងអស់​ដកមួយចេញ message.Substring (1, message.Length - 1)
ឥឡូវសាកល្បងកាត់យកអក្សរ “ANT” ដោយខ្លួនអ្នកលមើល ។

លុប Space ដែល​មិនបានការចោល

​ ប្រសិនបើ​លោកអ្នក​បង្កើត form ឱ្យ​អ្នក​ប្រើ​បញ្ចូល​ទិន្នន័យ​ដោយខ្លួនឯង នោះពួកគេអាចនឹងបញ្ចូល space នៅខាងមុន ឬ នៅខាងចុងដោយមិនដឹងខ្លួន ។
ឧទាហរណ៍អ្នក​បង្កើត​កម្មវិធី​មួយ​សម្រាប់​ឱ្យ​អ្នក​ប្រើ​បញ្ចូល “1” គឺ​បង្ហាញ​ពាក្យ ខែមករា
កូដ C#

កូដ VB.NET

កូដខាងលើនេះ ​ដំណើរ​ការល្អ​ប្រសិនបើ​អ្នក​ប្រើ​បញ្ចូលតែលេខ “1” ។ ប្រសិនអ្នក​ប្រើ​ច្រឡំ​ចុច space (space មើលអត់ឃើញ) នោះកូដខាងលើនឹងខុស ។ ដើម្បី​ទប់ស្កាត់បញ្ហានេះយើងអាច​ប្រើ function Trim () ដើម្បី​លុប space សងខាងចេញ ។
កូដ C#

កូដ VB.NET

កូដខាងលើនេះទោះបីជាអ្នក​ប្រើ​ច្រឡំ​បញ្ចូល space ក៏​គ្មាន​បញ្ហានោះដែរ ។
ក្រៅពី Trim () មាន functions ពីរទៀតគឺ៖
• TrimStart () ៖ លុប space ដែល​នៅខាងមុខ
• TrimEnd () ៖ លុប space ដែល​នៅខាងក្រោយ
Methods ទាំងពីរខាងលើនេះចាំបាច់​នៅពេល​ដែល​អ្នកមិនចង់លុប space សងខាងតែប៉ុណ្ណោះ ។

ការប្រៀបធៀបអក្សរ

ដើម្បី ​ប្រៀបធៀបអក្សរយើងអាច​ប្រើ if និងសញ្ញា == ប្រសិនបើ​យើងចង់ប្រៀបធៀបអក្សរពីរស្មើគ្នា ឬ​អត់? (ដូចកូដខាងលើ) ប៉ុន្តែ​តើអ្នកដឹងទេការប្រៀបធៀបរបៀបនេះត្រូវ​ចំណាយ memory ច្រើន ។ យើងអាច​ប្រើ​កូដ​ខាងក្រោម​ជំនួសវិញ
កូដ C#

កូដ VB.NET

Equals () មានមុខងារនឹង == ដែរតែវា​ធ្វើការ​បានល្អជាង ។
ក្រៅពី Equals () គឺមាន methods បីទៀត​ដែល​ជា​ទូទៅ​ប្រើ​ជាមួយ if ដូចជា​៖
• StartsWith () សម្រាប់​រកពាក្យចាប់ផ្ដើមដោយអក្សរ
• EndsWith () សម្រាប់​រកពាក្យ​បញ្ចប់​ដោយអក្សរ
• Contains () សម្រាប់​រកពាក្យ​ដែល​មានអក្សរនៅទីតាំងណា​ក៏​ដោយ
កូដ C#

កូដ VB.NET

នេះ​គ្រាន់តែ​ជាការ​ប្រើ​ប្រាស់ String ដំបូងៗ​តែប៉ុណ្ណោះ